مع التحية للشاعر محمد البراق

ألا يا محمد البراق ما اجمل شعرك الموزون=عوايدك التفنن تغرف امن البحر قيفانك
نفسْك اطول من اللي غاص يطلب دره المدفون=ولو تلعب بك الامواج ما تثنيك عن شانك

 

 

السلام عليكم ورحمة الله وبركاته


عذرا على التأخير
واستلم لاهنت

الا وآبـك البقـااا يالي بدعت الجزلّ والمضمـون=بيوتٍ عطرها فواح وساس الطيب عنوانك
توكلنا على الله كل ما ظاقت على المحزون=وسبحان الذي شكل في غبة بحر مرجانك

 

 

تسلمون ترانا معكم
نستمع

صح ألسنتكم

 

 

تسلم يا محمد البراق
ومشكور يا استاذنا راعي مرات

أنا حبيت في شخصك مثايل مالها مثمون=ليانة جانب وحسن النبا يسري به لسانك
كثير الناس تنخاهم والى جا الجد مايمشون=غثا سيل غثاهم طايلك لاجو من اعوانك

 

 

ومن قال سالم ياراعي مرات
وستلم يافتى القويره لاهنت

أشوفك شـاعـر امثقـف حكيـم ومرحبا مليون=كـريم اخـلاق ومـفـوه بشعرك تطرب الحانك
مدام إن الدهـر يكشف خفايا الجوهر المكنون=افقلـي وش بقـى ترجـي لابـاح الشوف لعيانك

 

 

والنعم كل النعم بمحمد البراق وفتى القويره
على هذه المداخلات الممتعه
والى بغيتونا ندخل فقولولنا ترانا نتفرج بس

 

 

المعذرة على التأخير
والنعم بك ياجوال وما لنا غنات عنك

توارا لي جهام مقبل خلته بشوف عيون=يذكرني باعاصير زوابعها بميدانك
كفاك الله شروراهل الحسد ياعلهم يفنون=ويبدلها بوبلٍ هاطل تزدان ريضانك

 

 

ماعليك زود ياجوال ،ولايهون الشاعر الجزل فتى القويره

وبسم الله.

عسا شيبانك الجنه ومن حوض النبي يسقون=وسقا الله ديرة عنها جنوب تصير غدرانك
على الله يادواليب الزمن ماقفك وين يكون=ولا ياكثرهم وقت الرخا بيجون صدقانك

 

 

محاورة جميلة جداً
مشكور يا محمد البراق وانت يافتى القويرة
كلكم شعراء
ودرركم تؤكد انكم شعراء اقوياء
ليتكم استمريتو