يا قلـم / للشاعر قاسي بن متعب الهويملي

[سواح]

يا قلم

يا قلم وان جيت بكتب لي قصيده=والله اني يا قلم قلبي هواوي
وإن بغيت أكتب معك جمله مفيده=قامن براسي يدورن الهقاوي
لا رسمت البيت بالهاجوس أعيده=قلبي العاشق ترى ما هو بقاوي
والهوى لا حل بالشاعر رصيده=كاش ولا دين تلقاه متساوي
والعيون ليا غفت لو هي سعيده=صار حلم يحلم لو ماني بناوي
يطرب الخافق مع الشعر ونشيده=لا ذكرت أيام والخاطر خلاوي
كل يوم ودي أكتب لي جديده=مع سكون الليل والقمرا مخاوي
لي مع الذكرى تجاريب عديده=تسرح الذكرى ويمسى الهم ضاوي
من كثر ما أطرب على جو القصيده=كني مع الشعر والشعّار راوي

قاسي بن متعب الهويملي

[كتاب الأمس]

أخـي الغـالي
ســــــــــــــواح



نقـل أكثــر من رائــع ..
ينـم عن ذائقة شعرية رفيعة ..
نعم هذه القصيدة قرأتها في جريدة الجزيرة
هذا المساء وكنت معجبا ً بها ..
ولا أخفيك أن ( الهويملي )
هذا الأسم دفعني للقراءة وأنت تعرف القصد !!
ولك تحيتي ..



أخيك/ كتاب الأمــس ..

[فتى القويره]

مشكور ياسواح على الاختيار
وصح لسان الهويمل

[سحاب]

زين اخترت يا سواح
ابيات جميلة وذات ايقاع جميل
صح لسان الشاعر قاسي