سواح
02-27-2005, 03:13 PM
قصيده جميلة
ضعاف العزوم
يا ناس خلوني على كيف ماريد=ماطيعكم ياللي تعذلون لله
اليا عذلتوني تزايدت تعقيد=هرجٍ تقولونه تراي استزله
المجلس اللي ما يجيني منه فيد=لاهو بمعجبني ولا رايحٍ له
لا صار فيه اهل العلوم الهرابيد=اللي على الطينه يزيدون بله
اللي سوالفهم على غير تاكيد=اليا سمعها رجل عاقل تعله
ناسٍ تبا العليا بليا مجاهيد=ضعاف العزوم اهل العقول المبله
اخير منه ارتاح في جوٍ بعيد=تحت المزون اللي مطرها تهله
انا هوايه سجت الرجل فالبيد=قلبي ذعاذيع الصحاري تتله
يا محلا الجلسه على عالي الحيد=في حيد هضبه عاليه مستقله
ارتاح انا فيها ولو اني وحيد=ويكمل المجلاس فنجال دله
وشوف الفياض اللي ندور بها الصيد=ولا المجلس المحصور في حوش فله
ليّه ورى بعض الدوافع مقاصيد=ما هي حديثة عهد فيّه جبله
ماجالس الا كاسبين التماجيد=خيرة رجالٍ قربهم ما نملّه
للطيب شاهد من فعول الاوليد=وللنار جمر.. والابيض السيف سله
زهران عون الله المطيري /بريدة
ضعاف العزوم
يا ناس خلوني على كيف ماريد=ماطيعكم ياللي تعذلون لله
اليا عذلتوني تزايدت تعقيد=هرجٍ تقولونه تراي استزله
المجلس اللي ما يجيني منه فيد=لاهو بمعجبني ولا رايحٍ له
لا صار فيه اهل العلوم الهرابيد=اللي على الطينه يزيدون بله
اللي سوالفهم على غير تاكيد=اليا سمعها رجل عاقل تعله
ناسٍ تبا العليا بليا مجاهيد=ضعاف العزوم اهل العقول المبله
اخير منه ارتاح في جوٍ بعيد=تحت المزون اللي مطرها تهله
انا هوايه سجت الرجل فالبيد=قلبي ذعاذيع الصحاري تتله
يا محلا الجلسه على عالي الحيد=في حيد هضبه عاليه مستقله
ارتاح انا فيها ولو اني وحيد=ويكمل المجلاس فنجال دله
وشوف الفياض اللي ندور بها الصيد=ولا المجلس المحصور في حوش فله
ليّه ورى بعض الدوافع مقاصيد=ما هي حديثة عهد فيّه جبله
ماجالس الا كاسبين التماجيد=خيرة رجالٍ قربهم ما نملّه
للطيب شاهد من فعول الاوليد=وللنار جمر.. والابيض السيف سله
زهران عون الله المطيري /بريدة