سواح
01-02-2005, 02:00 AM
يا بدر عيت لا تغمّض عيني=كنه يلوج بنونها سملول
أعوم في وسط الضلام لحالي=في و حدةٍ منها يضيق الجول
و اضن بالدنيا و يخطي ضني=سود الليالي غيبهن مجهول
مغير ادير الفكر في شيباني=ولا ادري بهم كيف الزمان يقول
أشوفهم عندي ولا هم عندي=من دونهم طوق السراب يحول
عود و عجوزٍ سنهم متقدم=شالوا من أمراض الزمان حمول
عقب الطرب و العافية و القوة =الشوف داني والقدم مشلول
عودٍ تهقواه العدا و تعود=زحلٍ تجنب عن نحاه ازحول
مقباس نارٍ ما يهاب الظلما=ياطا على الافعى بدون نعول
يكرم ضيوف الله و يكرم جاره=دب الزمان و منزله مدهول
الله يعديهم صدوف الدنيا=و يفرش لهم وسط النعيم زلول
أنا أدري أنه ما سوى الله باقي=الرب باقي و العباد تزول
لا بد ما منزالنا ينزل به=و حنا نزلنا في محل انزول
قدامنا راع المثل قد قاله=ما عاد به شيٍ مهو مقيول
قد قيل مثله بالزمان الماضي=نلبس من لباس الرجال اهمول
و اليا بلانا الله لنا بمصيبة=نقول ما جاب الولي مقبول
و إن جت سوانا ما تشمتنا به= على نحيبه ما ندق اطبول
و ندعيله إن الله يزيل همومه=حيث الدعا هو ساري المفعول
و ليا صمتنا الصمت راس الحكمة=و اليا تكلمنا نعرف نقول
و اليا استمعنا ما نطيع الغاوي=معنا عقول و ناخذ المعقول
الناس تقرأ الخط من عنوانه=و العلم أشارة و الخبول خبول
ما تفرق العوجا من المعتدله=مثل البهايم تدرج المخيول
و أشر ما بالعالم المتغطرس=رجالته ما غير شكل و زول
من كبر نفسه في سلامه منّة=لو كان لا تاجر و لا مسئول
من مد غيره يكبرن خصومه=البطن عيبه و الخصوم عدول
هرشٍ يشوط له و يزمي شطه=يكبر سنامه و الديار محول
و من صد عنا ما بحثنا أسراره=ما نقتحم بابه وهو مقفول
و في غلطة الجاهل نشرف عاقل= حيث الخصام مع الغشيم يطول
و اليا عصانا الامر فكرنا به=و نعرف لصعبات الامور حلول
و اليا بركنا للثقيل نشيله=لو حملنا عن غيرنا مدبول
و اليا عقدنا الحبل صعبٍ حله=و نفتل حبال و ننقض المفتول
يا ناشدٍ عنا و منهم حنا= من كان يجهلنا هو المجهول
حنا هل الوادي سلالة عامر=شبلٍ و عقب من وراه شبول
واد الفرع من ضدنا حامينة=وواد الشفيه مبرك الذلول
و من منطقة جدة اليا المدينة=حامينها بالسيف عرض و طول
الزير في و قت اللزوم ندنه=و يجذب لنا الغايب بلا مرسول
دون المدينة كم نطحنا دولة=نحمى البلاد و مسجد الرسول
تاريخنا كل العرب تقرابه=و تدرس به الطلاب باسطنبول
و ملنا لنجد و نجد مصدر فتنة=ما فيه يومٍ ما تغير خيول
ما طاح عند نحورهن ياطنه=بيضٍ نواصيهن و شهب ذيول
ما فيه لا رحمة و لا ماوية=اليا فرعت نقاضة المجدول
و الحي يرجع و الصويب يداوى= و يحمى المنيع و يدفن المقتول
ما فيه دارٍ مخضره و مريفة=الا لنا فيها ضعن و نزول
ناقف لدكلات الحريب و نرسي=كما ترسّي بالبحور أسطول
انذوب الغارة وننطح غارة=ولنا بدقلات الحريب فعول
و الضيف ما نبخل على ماجوبه=نقريه لو ما جودنا مقلول
يا ما ذبحنا من فتاةٍ عاقر=وحيلٍ و خرفانٍ تقال وعول
أيام يلقى للبخيل مبرر=قدام يطلع بالخليج حقول
غير المواشي ما لنا مصادر=لا شجرةٍ تثمر و لا بترول
و اليوم ما هذا لذاك بحاجة=في نعمةٍ لعلها ما تزول
و ترى الهقاوي توصل المناوي=و رجلٍ بلا هقوة يديه رجول
الشاعر المعروف/ عبدالله بن زويبن المعمري الحربي
أعوم في وسط الضلام لحالي=في و حدةٍ منها يضيق الجول
و اضن بالدنيا و يخطي ضني=سود الليالي غيبهن مجهول
مغير ادير الفكر في شيباني=ولا ادري بهم كيف الزمان يقول
أشوفهم عندي ولا هم عندي=من دونهم طوق السراب يحول
عود و عجوزٍ سنهم متقدم=شالوا من أمراض الزمان حمول
عقب الطرب و العافية و القوة =الشوف داني والقدم مشلول
عودٍ تهقواه العدا و تعود=زحلٍ تجنب عن نحاه ازحول
مقباس نارٍ ما يهاب الظلما=ياطا على الافعى بدون نعول
يكرم ضيوف الله و يكرم جاره=دب الزمان و منزله مدهول
الله يعديهم صدوف الدنيا=و يفرش لهم وسط النعيم زلول
أنا أدري أنه ما سوى الله باقي=الرب باقي و العباد تزول
لا بد ما منزالنا ينزل به=و حنا نزلنا في محل انزول
قدامنا راع المثل قد قاله=ما عاد به شيٍ مهو مقيول
قد قيل مثله بالزمان الماضي=نلبس من لباس الرجال اهمول
و اليا بلانا الله لنا بمصيبة=نقول ما جاب الولي مقبول
و إن جت سوانا ما تشمتنا به= على نحيبه ما ندق اطبول
و ندعيله إن الله يزيل همومه=حيث الدعا هو ساري المفعول
و ليا صمتنا الصمت راس الحكمة=و اليا تكلمنا نعرف نقول
و اليا استمعنا ما نطيع الغاوي=معنا عقول و ناخذ المعقول
الناس تقرأ الخط من عنوانه=و العلم أشارة و الخبول خبول
ما تفرق العوجا من المعتدله=مثل البهايم تدرج المخيول
و أشر ما بالعالم المتغطرس=رجالته ما غير شكل و زول
من كبر نفسه في سلامه منّة=لو كان لا تاجر و لا مسئول
من مد غيره يكبرن خصومه=البطن عيبه و الخصوم عدول
هرشٍ يشوط له و يزمي شطه=يكبر سنامه و الديار محول
و من صد عنا ما بحثنا أسراره=ما نقتحم بابه وهو مقفول
و في غلطة الجاهل نشرف عاقل= حيث الخصام مع الغشيم يطول
و اليا عصانا الامر فكرنا به=و نعرف لصعبات الامور حلول
و اليا بركنا للثقيل نشيله=لو حملنا عن غيرنا مدبول
و اليا عقدنا الحبل صعبٍ حله=و نفتل حبال و ننقض المفتول
يا ناشدٍ عنا و منهم حنا= من كان يجهلنا هو المجهول
حنا هل الوادي سلالة عامر=شبلٍ و عقب من وراه شبول
واد الفرع من ضدنا حامينة=وواد الشفيه مبرك الذلول
و من منطقة جدة اليا المدينة=حامينها بالسيف عرض و طول
الزير في و قت اللزوم ندنه=و يجذب لنا الغايب بلا مرسول
دون المدينة كم نطحنا دولة=نحمى البلاد و مسجد الرسول
تاريخنا كل العرب تقرابه=و تدرس به الطلاب باسطنبول
و ملنا لنجد و نجد مصدر فتنة=ما فيه يومٍ ما تغير خيول
ما طاح عند نحورهن ياطنه=بيضٍ نواصيهن و شهب ذيول
ما فيه لا رحمة و لا ماوية=اليا فرعت نقاضة المجدول
و الحي يرجع و الصويب يداوى= و يحمى المنيع و يدفن المقتول
ما فيه دارٍ مخضره و مريفة=الا لنا فيها ضعن و نزول
ناقف لدكلات الحريب و نرسي=كما ترسّي بالبحور أسطول
انذوب الغارة وننطح غارة=ولنا بدقلات الحريب فعول
و الضيف ما نبخل على ماجوبه=نقريه لو ما جودنا مقلول
يا ما ذبحنا من فتاةٍ عاقر=وحيلٍ و خرفانٍ تقال وعول
أيام يلقى للبخيل مبرر=قدام يطلع بالخليج حقول
غير المواشي ما لنا مصادر=لا شجرةٍ تثمر و لا بترول
و اليوم ما هذا لذاك بحاجة=في نعمةٍ لعلها ما تزول
و ترى الهقاوي توصل المناوي=و رجلٍ بلا هقوة يديه رجول
الشاعر المعروف/ عبدالله بن زويبن المعمري الحربي