وصل اي عضو من اعضاء المنتدى باي وسيله مواصلات

[عاشقة الغروب]

السلام عليكم ورحمه الله وبركاته


اليوم نقلت لكم لعبه بصراحه اعجبتني كثيرررررررررررر مع انها
تخص الشباب لان فيها سواقه سيارات وطيارات وصواريخ ودبابات
والبنات مايعرفون يعني الله يستر خاصه بنت كميت اللي ميب تاركه اشاره الا وقاطعتها ولا زباله الا صادمه فيها بس الله يعين

http://www.7loo.com/vb/images/smilies/0015.gif[/IMG



http://www.7loo.com/vb/images/smilies/anim-autotruck.gif[/IMG]



اللعبة عبارة عن:

عضو يكتب اسم مكان يبي يروحه

و الثاني يرد عليه وهو اللي بيوصله حق المكان...

السائق راح يذكر:

1- الوسيلة المستخدمة
2- اللفات(يمين و لا يسار ) و يذكر الطريق
3- الاماكن اللي راح يطوف عليها


بعطيكم مثال

انا اقول ابي اروح الى اسواق بدر

يجي اللي بعدي وهو طبعا اللي راح يوصلني

يقول بوصلك بسيارتي هذي ...او على حصان او دراجه ناريه او طائره ....... الخ
وراح نلف يمين ونمر على مكتبة حلو وبعدها الخباز

وسيده سيده سيده ويمين اسواق بدر وصلنا


طبعا ابي تذكرون اماكن غير معقوله ومضحكه

نبي نضحك ونستمتع بردودكم ونشوف خفة دمكم


و وصلوني ووصلكم




اتمنى اللعبه تعجبكم

تقبلوا تحياتي

عاشقة الغـــــــــــــــــــروب

[فتى القويره]

الله الله
يا خالد ما لقاها الا انت
ولا عامل ولا سواق
لكن يستاهل بنده اللي معطيك وجه
وان كانه مبسوط من هالكلام
ترانا بنستاجره بحقنا ماله منة علينا
لموزين من البيت للعزبه بس

وما دامت الدعوى مكربنه

[عاشقة الغروب]

اهااااااااااااااا
عاد انا ابي المحــــــــــروم يصير سواقي
لمده اسبوع كامل ابيه ياخذني
جوله في بيوت مرات الشعبيه
القديمه ..يعني سياحه
داخل مرات..
يالله شد حيلك يالمحـــــــروم...

[جمانة]

عاشقة الغروب

تدرين اللعبة هذي سياحة تعرفنا أماكن ما نعرفها . :confused:

انا أبغى سواااق يوديني لجبل كميت أشووووفه لاني صراااحة مــا عمري شفته إلا من زماااان ولمدة خمس دقائق أو أقل بعد :D
ووووبسسسس :cool:

[كحيلان]

وقف نهياني جيت لاا تنادي شعول معليش أسف على التاخير ظرب على كفر في الطريق وأنا جاي
وبعدين يا عاشقة الغروب امسكي سرا وخليني أودي خالد قبل
ايه يا خالد تبيني اوديك هاه http://www.7loo.com/vb/images/smilies/anim-autotruck.gif
يالله ابشر ابمرك بالددسن الخمساوي العمارتين الي تو ولد أخوي صادم به
يالله ابمرك واشيلك على ظهري ومعليش (ابمحطبك) في الصندوق
لان الغمارة ما تنركب (منعفطه) ويالله لقيت مكان للسواق
وتبيني اقهويك هاه ايه ذكرت فيه زمزمية قهوه ورى المرتبه من عقب الحادث صارت كبتشينو بس معليش تغصبها شوي لانها باردة وانتبه لاتقرض القزاز المنكسر
يالله اعتبرها (أيس كبتشينو ) :D
مع انهم ما بعد اخترعوها ههههههههههههه
طبعا ابقهويك في الصندوق ايه مير نسيت اذكرك ترا الصندوق حق الددسن مايل امسك الفنجال زين لياه ينكب ههههههههههههه
ايه مير ذكرتني ابصك الباب طبعا مافيه باب صالح في الددسن علشان ينصك الا باب الصندوق ومنعفط بعد يعني لازم تضغط عليه برجلك على شان ينصك :eek:
مدري عاد يمكن ينصك على رجلك بعد ههههههههه ;)
عاد تبيني اسرع 170 هاه معليش الددسن ما يتعدي 70 بس بسيطه حلها عندي نقوم
نفك الطبلون ونحط الانبير على سرعة 100 ونخليه واذا دعست بالموتر بيوصل 170 هاه وش رايك ذكي صح
يالله وندعس ونلفلف في الحواري بدايه
بشارع (((((((الحب)))))))))
وابفرق من عند الفه الي من ورى البلديه بس تمسك زين
لان الفرامل ما تشتغل في اللفات هههههههههههه :eek:
المهم ابنطلها يمين من عند اللفه ثم اذا دخلت على الشارع الرئيسي ابنطلها يسار
طبعا انت عارف تراني منيب احب التفحيط بس هذي حاله استثنائيه هههههههههههههه
ايوه نرجع لكلامنا .................
يوم نطلتها يسار كاني سمعت واحد يون وقرقعه كنها قرقعت اسطوانات غاز فاضيه
انا عاد خفت وقلت في نفسي لازم اوقف واشوف وشذا الصوت
هوني عاد وقفت والا ماوقفت
(طبعا مثل ما قلت سابقا أنا ما اقدر افرمل في اللفات لان الفرامل ماتشتغل يعني
لازم افر الطاره 360درجه علشان يوقف الددسن في مكانه المهم يوم فريتها
ويقعد يدور في مكانه المشكله اننا قدام الدفاع المدني ههههههههه
ويقعد الددسن يدور ويدور ويدور
ويدور يدور
ويدور ويدور
ويدور يدور
ويدور ويدور
ويدور يدور
ويدور
ويدور ويدور
(هاه دختو والا مابعد :D )
الين وقف نزلت عاد من الددسن وانا ماسك راسي من الدوخه
ورحت لم الصندوق ابناظر وش سبب القرقعه مالقيت احد في الصندوق
قعدت احك راسي وادور عن القرقعه تحت الموتر وافتح الكبوت ادور
ومالقيت شي
فجاءه

إنتظروا العدد القادم
مع احلى المغامرات ههههههههههه (:eek:

[كحيلان]

نتابع مغامراتنا مع خالد
ففي هذا العدد .......

سمعت صوت كنه صوت صفارة الانذار حتى ان حقين الدفاع المدني طلعو يركضون ويسئلوني من وين جت صفارة الانذار ذي
(طبعا للمعلوميه للي خارج مرات بالذات مرات ما فيها صفارات انذار)هههههههههههههه
المهم قعدت اقلب يدي معهم مدري وش السالفه
قلت لمهم خلونا نصك الصفاره قبل ما تصجنا :p
قالوا يالله وقعدنا ندور مصدر صوت الصفاره
لقيناه في الوايت حق الدفاع المدني قلت عاد وشذا التقنيه حاطين الصفاره في الوايت علشان يصير انذار متحرك ههههههههههههههههه
المهم طبوا الشقرديه حقين الدفاع المدني في الوايت
ولقو رفيقنا خالد في وصط الوايت في الماء
( يون ) وصار ونين خالد هو صوت صفارة الانذار ههههههههههههه
عاد انا قلت لم حقين الدفاع المدني
العذر والسموحه تراء هذا رفيقي وتراه مدير ادارة منتديات غدير كميت
عاد هم ما صدقوا خبر راحو كلهم وجابو دفاتر وتذكارات علشان يوقعها خالد
قلت لمهم عاد معليش يا شباب خالد مستعجل وخلوها بعدين زياره رسميه هههههههههه
واقوم واخذ خالد وهو يون وقلت لمه اسكت واحمد ربك لياهم يحجزوننا
بتهمة انذار كاذب :confused:
يوم حطيته في الصندوق حق الددسن وقلت لم خالد
خالد انا سمعت صوت ونين في الصندوق وعرفت مصدره بس اني سمعت صوت ثاني
سمعت صوت قرقعة
عاد سطرني بكف وقال هذا صوت راسي يا خبل يصقع في الصندوق :D
عاد قلت لمه يالله نكمل المشوار ونوديك للجفره
قال يالله المهم واشغل وادعس الين وصلت 170 وال..لخ .....و ال...لخ
الين وصلت الجفره واشيله من الصندوق يوم دخلته مع مدخل الجفره الي اسمه (الدباب)
ويقوم يركض ويفسخ ثوبه وهو مغمض وانا اقوله اصبر يا خالد اصبر وهو راد بي
ويطمر على بالله بيطب مثل افلام كرتون يوم طمر ويوقع في وسط الطين وينشب راسه
ويالله اطلع راسه عاد قلت لمه يادلخ ياخالد الجفره فاضيه من شهرين
عاد هو مهوب يشوف ولايسمع من كثر الطين الي في راسه
واقوم وامسك يديته واوديه للعزبه حقتهم علشان اغسل خشته وراسه
يوم طقيت الباب حق عزبتهم ويطلع لي هندي ويقول ايس فيه !؟!؟!؟
عاد انا مافضيت اتجادل معه قلت لمه (فين نفر حق هزبه )
ورد على وقال( مافيه نفر كلو روح هدا نفر مافيه ادفع هساب حق اجار هزبه
بعدين نفر كله روح )
قلت عاد مالت على خشك ياخالد ورى ما قطيتوا للعزبه
وقال معليش انا نسيت القطه حقة العزبه في مخباتي ورحت اضيف تحسينات على المنتدى حق الغدير
(شفتو التضحيه وشلون ... كريم خالد بس على مال غيره هههههههههههه)
(((((خلاص لاتزعل يا خالد ابقط قطة العزبه هههههههههه ))))))
واقوم انا الله يسلمني وامسك يد خالد واوديه لدورة مياه مسجد الجفره
واغسل خشيشة :D خالد :rolleyes: واغسل رويسه
هاه وش تقول فيني يا خالد
عاد خالد معد يقدر يتحمل انه يركب معي في الددسن علشان اوديه لبيتهم
حتى الددسن معد يتحمل يتحرك من مكانه
واقوم واشر على الخط ويوقف لي قلابي محمل شحنة رمل
واركب معه يوم جيت لبركب خالد ويرتاع السواق من شكله
لو تشوفون شكله بعد يا اعضاء غدير كميت
راسه كله صعارير وفلقتين في الجبهه
عينه اليمنى زرقا ومغمضها ما يقدر يفتحها ملابسه فيها طين ودم ومليانه ماء عقب الوايت
وحالته حاله المهم قلت لم السواق ولا يهمك وانطل خالد فوق شحنة الرمل الي في القلابي ههههههههههههههههههه
ونكمل المشوار الين وصلنا بيت خالد
يوم وصلنا البيت حق خالد تنهد خالد تنهد المشتاق الي الراحه في بيتهم
عاد ماقدرت اطول خالد علشان انزله وانادي السواق علشان ينزله وبعد هو ما طال
قال لمي السواق نهيب مشكله انا ابكب شحنة الرمل ذي عند البيت الي يبنى الي جنبكم وانت عاد جب خويك قلت لمه ما بدها أش
ويقوم ويقلب الشحنه وخالد فوقها يتنهد ما درى وش السالفه
ويوم انقلب واشوف على راس خالد علامة استفهام كبيره
عاد يله من يبي يطلعه من شحنةالرمل ؟؟؟؟؟
قعدت افكر واهاوش السواق وشولن ابطلع خالد وشلون
لقيت الفكره ابجيب سيخ حديد مسنون وانغز الشحنه الين يطلع ههههههه :D
واقعد انغز وانغز الين طلع ههههههههههه
المهم وبدون مقدمات وقبل ما يهاوشني نتلته مع رقبته ودخلنا بيتهم وانطله على فراشه
واسمي عليه
و........... خلاص عاد مهوب حلا .........
شكر خاص لمن أتم قراءة المكتوب ..........
وإعتذار عن الاطاله الممله
وإعتذار خاص لعزيزي خالد عن ما بدر مني اثنا تجوالي معه
وشكرآ

[عاشقة الغروب]

هههههههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههه
ههههههههههههههههههههه
ههههههههههههههه
هههههههههه
هههههه
ههه

بصراحه سواقه ولا اروع دوران وتفحيط
ومغامرات وصفارات انذار و..................و.........الخ
مسكين خالد هو الضحيه ـ ـ ـ ـ ـ ـ ـ ــ ـ ـ ـ(تستاهل ماجاك واكثر :D )
انت اللي جنيت على نفسك ياخويلد
واخترت السواق .....
ههههههههههههههه
هههههههههه

انا على كذا ماابي اطلع من بيتنا عشان ماتمر بي
احداث الضحيه خويلد المسكين ...............(ابنطق احسن لي ) :o
_________________________
مشكور اخوي كحيلان على جهدك االذي بذلته
في رحلتك انت والضحيه خويلد :)
بصراحه رحله تونس ..
واتمنى انك تتكررها مع بنت كميت
بس النهايه ماتوديها للبيت مثل خالد
لا تكون نهايتها _ _ _ _ _ _ __ __ _(تصطحهامن فوق جبل كميت ) :D
هههههههههههههههههههه
هههههههههههههه

[المحــــــــروم]

ههههههههههههههه
هههههههه
هههههه
ههه
هه
ه
ه
ههااااااااااااااااااااااااااااه
اخر عمري صرت لموزين الي بيركب مهوب نازل الأفي المستشفى

تراني مأعرف اسوق اكبر غشيم

وهاي عاشق الغروب تركب معي (وش جاب هالنشبه خالد) ومعها خالد سيارت خالد

خربانه وموديها (ل ص ق ع ب ) اشهد بالله انهم خربوها زيادة واشوف خالد هالأيام

يتمصلح معي هو وبنده عشان معي سيارة كشخة ددسن موديله 16ومافيه شي سليم

وعاد انتم خابرين خالد بثر نشب في حلقي ابي اسوق ابي اسوق من زمان ماسقت

رحمت الولد وخليته يسوق وهذه العاقبه

http://www.rayig.com/picture/funnypic1/picture/goodparking_copy.jpg
تحسقت اني خليتي يسوق عاشقة الغروب معد

تشوف
http://www.w6w.com/w6w.php?pic=226158
وهذا بنده فطس علينا من الضحك

http://www.arab-pics.net/data/media/42/Bar6m-1088725190.gif

تقبلوا تحيااااااااااتي

[كحيلان]

هاه اشوفك هونت يا عاشقه الغروب
خلي واحد من الشباب يوديك علشان
تتمشين وتنهي الرحله في المستشفى
هههههههههههههههههههههههههههه
.................
جاك عاد المحروم
قال ايش قال اتمصلح معه انا وخالد
كنك ذاك اليوم ما نشبت فينا انا وخالد يوم جيت اوديه
نشبت فينا نشبه يالله فكيتك بالزراديه وبالمويه الحاره
لدرجه اني يوم فكيتك
انقلع الصدام الخلفي علشانك كنت ناشب فيه ههههههههههههه
...................
.........................
خالد يتكلم !!!!!!!!!!!!!
الحمد لله على السلامه حسبتك ما تقوم من سريريك ذاك اليوم
بس شكلك تعافيت ....
وتكفى عاد يالي مايركب ددسني وقال ايش قال ما اعرف اسوق السيارات القديمه
اقول لا تخليني اطلع فضايحك أيام سيكل الهنود والهايلوكس 78احممم احممم
هاه اتكلم والا اسكت
هههههههههههههههههههه
.................
يالله عاد كملوا اللعبه ..........

[عاشقة الغروب]

الله يسامحك يا المحـــــــــروم فضحتني وشلون صورتني
وانا مدري يمكن من تاثير الصدمه ماشفتك ...
معليه يعني مسوي فيها مبسوط لاقط لي صوره بالخفي
لا تخاف انا مصورتك من بدايه الرحله لحد النهايه ابعرض لك بعض من الصور الي ...
عندي ما ودي افضحك بس وش اسوي انت الي جنيت على نفسك ...

نبدا ....

اولا هذي صوره المحـــــــــروم وهو يكلم الشباب عشان يتفقون على الموعد ...

http://www.rayig.com/ch/pic5/0149.jpg


وهذي صورته وهو يكشخ..
http://www.rayig.com/ch/pic5/0147

وهذي صورته وهو ينتظر خالد وكحيلان..

http://www.rayig.com/ch/pic5/0148.jpg

وهذي صورتك وانت صايد الضب على الخط ...

http://www.rayig.com/ch/pic5/0150.jpg

وهذي صورت وجهك مع الحادث تقاربت عيونك..

http://www.rayig.com/picture/funnypic2/picture/pic58.jpg


ترا باقي عندي صور واااااااااااجد انكانك تبيني اعرضها
قلي ماعندي مانع لا تستحي ...
ههههههههههههههه
هههههههههه
هههههه

بدون زعل ...

[المحــــــــروم]

السلام عليكم

قامت الفضايح تطلع وهذي فضيحة لخالد صورته عقب الحادث الضعيف تروع

http://www.eqla3.com/vb/attachment.php?s=&postid=1079469

لاتعصب منيب مخليك تسمكر السيااااااااااارة

تقبلوا تحياااااااااااتي

[أصيـــــلة]

هههههههههههههههههااااي
مسكين خويلد كل هالقصه عليه
مايستااااااااااااااهل احس انه الحين حالته حاله ودي اشووفه
هههههههههههههههههههههههههههههه
والحمدلله اني ماطلب ارووح مع احد كان صارت لي سوالف
كحيلااااان ياليت تسوي ببنت كميت وعاشقة الغرووب
ودي اشوووفهم معك في الرحله
ههههههههههههههههههههههه

[نجم الضحى]

يالله يا شباب عاد أنا ابي واحد يوصلني
<<<<<على باله بيغير السالفه ههههههه>>>>>
يالله عاد ابي المحروم يمرني في بيتنا وياخذ بي لفه في مرات
ويوقف عند كار كافيه ويقهويني منه
ثم يوديني لسد كافت علشان اناظر هو فيه سيل والا لا
ثم عاد يوديني للجفره ونناظر هي مليانه ماء والا لا
ثم عاد الله لا يهينه نمر على سد مانح ويفرش لي
بساط ويسوي لي شاهي تلقيمه ويكون
سكره خفيف ويصب لي في البياله ويجيب معه شابوره وبسكوت شاهي
ونقعد نشرب شاهي وناكل شابوره وبسكوت ويسولف على
ثم عاد الله لايهينه يرجعني للبيت ويفتح لي باب البيت ويدخلني ويصك الباب
وبس ...........
يالله عجل علي يالمحروم ترانيى احتريك.....