سواح
10-02-2004, 08:15 PM
قصيدة الطبعه
للشاعر / ناصر الحماد من بلدة الشعراء
الطبعه كانت في عام 1342هـ
أنا ما تهيالي بعمري وهالني=أقع ليلة تقلب شعر من حكى بها
يوم على الديبل تكسر به الخشب=كم غافل جت قدرته ما درى بها
كم جالبوت باول الموج سمّرت=ضاعت جزاويها وقصت خرابها
يا ما غدابه من صبي وشايب=ومن نوخذا غالي ومال غدابها
دالوب غربي من الله وامره=ثلاث ساعات ينفض ربابها
ضربتنا بنصف الليل نصف من الشهر=شهرنا ربيع أول بعدة حسابها
ولو ان رب العرش زاد بدقيقة ٍ=ما عاد فيها من يرد بجوابها
مير انزل الرحمن ونجى عشيرهم=تسعة سهوم راح فيها ومابها
في راس تنوره يدفـّن جنايز= وفي كل سيف ٍ يذكرون الغثا بها
لا هوش غلمان تهوش وتمتع= ولا قارة في البر نزبن هضابها
وخلاف ذا ياراكب فوق حره=عملية ناقينها من ركابها
إدخل عليها السوق واشتر شنودها=مع بدرة قيسك من الما شرابها
واشتر لك عقيلي ونطع وجاعد=وخفف عليها لا تثقّـل زهابها
تضرب بك الساروت تضرب بك الخلا=مع عبلة بيدا تطاير سرابها
ملفاك نجد مغيّرة كل منكر=في كلمة التوحيد تهفي ارقابها
دار لنا والضيف تداري حقوقه=ما بيـَّعت فنجالها في شبابها
يجيك كل مشورب يطلب الخبر=ينشد عن الطبعه وش اللي جرا بها
وكم عيطموس تنثر الدمع عينها=من عقب الاثمد والطرى في خضابها
طوت ياسها عقب الرجا من حليلها=وقامت تقانب مثل قنيب ذيابها
تمت وصلى الله على سيد البشر=تعداد ما سارالقلم في كتابها
للشاعر / ناصر الحماد من بلدة الشعراء
الطبعه كانت في عام 1342هـ
أنا ما تهيالي بعمري وهالني=أقع ليلة تقلب شعر من حكى بها
يوم على الديبل تكسر به الخشب=كم غافل جت قدرته ما درى بها
كم جالبوت باول الموج سمّرت=ضاعت جزاويها وقصت خرابها
يا ما غدابه من صبي وشايب=ومن نوخذا غالي ومال غدابها
دالوب غربي من الله وامره=ثلاث ساعات ينفض ربابها
ضربتنا بنصف الليل نصف من الشهر=شهرنا ربيع أول بعدة حسابها
ولو ان رب العرش زاد بدقيقة ٍ=ما عاد فيها من يرد بجوابها
مير انزل الرحمن ونجى عشيرهم=تسعة سهوم راح فيها ومابها
في راس تنوره يدفـّن جنايز= وفي كل سيف ٍ يذكرون الغثا بها
لا هوش غلمان تهوش وتمتع= ولا قارة في البر نزبن هضابها
وخلاف ذا ياراكب فوق حره=عملية ناقينها من ركابها
إدخل عليها السوق واشتر شنودها=مع بدرة قيسك من الما شرابها
واشتر لك عقيلي ونطع وجاعد=وخفف عليها لا تثقّـل زهابها
تضرب بك الساروت تضرب بك الخلا=مع عبلة بيدا تطاير سرابها
ملفاك نجد مغيّرة كل منكر=في كلمة التوحيد تهفي ارقابها
دار لنا والضيف تداري حقوقه=ما بيـَّعت فنجالها في شبابها
يجيك كل مشورب يطلب الخبر=ينشد عن الطبعه وش اللي جرا بها
وكم عيطموس تنثر الدمع عينها=من عقب الاثمد والطرى في خضابها
طوت ياسها عقب الرجا من حليلها=وقامت تقانب مثل قنيب ذيابها
تمت وصلى الله على سيد البشر=تعداد ما سارالقلم في كتابها