العارضي
08-10-2004, 07:12 PM
بمناسبة أغنية البرتقاله
لومي على نسل الرجال المناعير
هاذي القصيده بمناسبة أغنية البرتقاله التي فيها من الاساءه الدينيه والاخلاقيه فأحببت أن أنقلها لكم :
الله يجازي فاعل الخير بالخير
عنــّا وفعل الشرّ يبعد مجاله
*
ويكتب لنا الخيره بحكم المقادير
ويزيدنا فوق القناعه جمــاله
*
الصبر مفتاح الفرج والتباشير
كم صابر ٍ والصبر فوق احتماله
*
لو تآآكل الزلـّه سمان المعاذير
العذر عن بعض الخطايا جهاله
*
العمر مقفي والمنايا مناحير
وأحوالنا مابين حاله .. وحاله
*
قام التطوّر ينفض الريش ويطير
ويضفي على روس الخلايق ظلاله
*
يا كبرها يا اهل الوجيه المسافير
( صلوّا على محمد وصحبه وآآله )
*
وعسوّاا مابين الذاهبه والمداوير
العلم الأبيض ما ندوّر بدالــه
*
أبدي بها من باب حشمه وتقدير
وأن عوّدت مالي عليكم وكاله
*
أدخل على المعبود يا وارد البير
لا تلتوي بين الرشا والمحاله
*
عرب طرب مثــّر بها الغرب تأثير
ترقص على التلفاز يا همـّـلالــه
*
راحت عوايدهم سوات الاساطير
يا ساتر الشايب وفاضح عياله ؟
*
من نقرة الطبله ودقّ المزامير
طاح الحصان اللي طوال ٍ حباله
*
والبرتقاله غير والفاكهه غير
يقولها اللي يعصر البرتقااااله
*
عصيرها حالي ولا له محاذير
لا صار مسبوق ٍ بـ لفظ الجلاله
*
يا كثر ما صاحت عليها الجماهير
يا رابط المجنون مالك وماله
*
بث الغرايز حي والقصد تعزير
وأم الخلاخل داخله من خلاله
*
فيديو كليب ذنوب فكره وتصوير
طوّح بناب الذيب قرن الغزاله
*
دبكه وربكه يا حياة المخاسير
ودايم ضعيف العقل هذا مجاله
*
يوم المشاهد ثار والمشهد مثير
صومع على الشاشه ونكـّس عقاله
*
عرض اللحم بين العيون المطايير
يخسر به اللي حافظ ٍ راس ماله
*
سياسة التشويق من غير تبرير
دفع العموله .. واستلام العماله ؟
*
الله يبارك فيك يا سالم الزير
دوّر لهن صرفه وغرفه وصاله
*
لا أمسيّت تلحفهن خشوم الدنانير
ولا أصبحت سرّّحهن على اقرب زباله
*
للعلم مدلوله .. وللحلم تفسير
وللطاق طربق طاق وللقرم طاله
*
واللوح حظ المطرقه والمسامير
وبكره يسمــّر ويتعلقّ لحاله
*
لومي على نسل الرجال المناعير
وألاّ الحثاله من سلايل حثاله
لومي على نسل الرجال المناعير
هاذي القصيده بمناسبة أغنية البرتقاله التي فيها من الاساءه الدينيه والاخلاقيه فأحببت أن أنقلها لكم :
الله يجازي فاعل الخير بالخير
عنــّا وفعل الشرّ يبعد مجاله
*
ويكتب لنا الخيره بحكم المقادير
ويزيدنا فوق القناعه جمــاله
*
الصبر مفتاح الفرج والتباشير
كم صابر ٍ والصبر فوق احتماله
*
لو تآآكل الزلـّه سمان المعاذير
العذر عن بعض الخطايا جهاله
*
العمر مقفي والمنايا مناحير
وأحوالنا مابين حاله .. وحاله
*
قام التطوّر ينفض الريش ويطير
ويضفي على روس الخلايق ظلاله
*
يا كبرها يا اهل الوجيه المسافير
( صلوّا على محمد وصحبه وآآله )
*
وعسوّاا مابين الذاهبه والمداوير
العلم الأبيض ما ندوّر بدالــه
*
أبدي بها من باب حشمه وتقدير
وأن عوّدت مالي عليكم وكاله
*
أدخل على المعبود يا وارد البير
لا تلتوي بين الرشا والمحاله
*
عرب طرب مثــّر بها الغرب تأثير
ترقص على التلفاز يا همـّـلالــه
*
راحت عوايدهم سوات الاساطير
يا ساتر الشايب وفاضح عياله ؟
*
من نقرة الطبله ودقّ المزامير
طاح الحصان اللي طوال ٍ حباله
*
والبرتقاله غير والفاكهه غير
يقولها اللي يعصر البرتقااااله
*
عصيرها حالي ولا له محاذير
لا صار مسبوق ٍ بـ لفظ الجلاله
*
يا كثر ما صاحت عليها الجماهير
يا رابط المجنون مالك وماله
*
بث الغرايز حي والقصد تعزير
وأم الخلاخل داخله من خلاله
*
فيديو كليب ذنوب فكره وتصوير
طوّح بناب الذيب قرن الغزاله
*
دبكه وربكه يا حياة المخاسير
ودايم ضعيف العقل هذا مجاله
*
يوم المشاهد ثار والمشهد مثير
صومع على الشاشه ونكـّس عقاله
*
عرض اللحم بين العيون المطايير
يخسر به اللي حافظ ٍ راس ماله
*
سياسة التشويق من غير تبرير
دفع العموله .. واستلام العماله ؟
*
الله يبارك فيك يا سالم الزير
دوّر لهن صرفه وغرفه وصاله
*
لا أمسيّت تلحفهن خشوم الدنانير
ولا أصبحت سرّّحهن على اقرب زباله
*
للعلم مدلوله .. وللحلم تفسير
وللطاق طربق طاق وللقرم طاله
*
واللوح حظ المطرقه والمسامير
وبكره يسمــّر ويتعلقّ لحاله
*
لومي على نسل الرجال المناعير
وألاّ الحثاله من سلايل حثاله