الخيانه

[معاند الوقت]

خيانه. . . وانتهت آخر سوالف عشقي المجنـون
سوالف عشق. . .يامـا النـاس قالتهـا وعادتهـا
حكوا عني وحكوا عنها وعن حب مـلا هالكـون
صاروا يحلفون بحبنا. . .وصدقـي. . .وطيبتهـا
وكم واحد تمنى لو خـذا مـن لـون حبـي لـون
وكـم وحـده تمنـت لـو تشابهـنـا حكايتـهـا
انا وياهـا كنـا حلـم. . .بالمعنـى وبالمضمـون
لكـل اثنيـن. . .قصـة حبهـم تعلـن بدايتـهـا
وفي ليله صرخ فيها الوفا مـن ظهـره المطعـون
بدايتهـا جروحـي. . .والوفـا مـات بنهايتـهـا
في ذيك الليله . . .كان اهون على احيا بدون عيون
ولا اشوف اللي شفته من حبيبـة قلبـي ساعتهـا
بعيني شفتها وياه. . .تضحك له. . .وهو مفتـون
سعادتها فـي قربـه. . .تشبـه فقربـي سعادتهـا
وهو طاير من الفرحه. . .ولا يدري بأنها تخـون
ويمكن يـدري وساكـت . . .ولا تهمـه حقيقتهـا
بعيني شفتها. . .ماهو حكي واشي وخيال ظنـون
بعينـي. . .ليـت عينـي عمرهـا مايـوم حبتهـا
وقفت ولسان حالي يقول ليه؟ ومن متى؟ وشلـون؟
عساي القـى سبـب واحـد يبـرر لـي خيانتهـا
وادور للجريمـه ثغـره بكـل مذهـب وقـانـون
ولكنـي عجـزت القـى عـذر يغفـر جريمتهـا
قبل هالليله. . .كنت اسمع كثير من البشر يشكـون
من سيوف الغدر. . .واضحك وانا أتباهى فبراءتها
انا ما كان عندي شك ولـو واحـد مـن المليـون
في صدق اللي تقوله عن غـلاي وعـن محبتهـا
خيانتها عطت حجـه لكـل اللـي يبـي يخونـون
ومن هالليلـه. . .كـل خايـن بيتعـذر بقصتهـا
مادام اوفى البشر خانت. . .حرام الباقي ينلامـون
وكلمات الوفا لا عاد احـد يطـري لـي سيرتهـا
خيانه. . .وانتهت آخر قصايـد عشقـي المجنـون
وضاع الحلم. . .في ليله. . .الوفا مـات بنهايتهـا

[الهنوف]

قلم يعد بالكثير


تابع


وأروينا بكل هذه الاحاسيس


رغم ماتحمله من وجع


الا في تصويرك هنا


كان لها طعم أخر

ننتظر جديدكــ الرائع كما عودتنا

.
.

الهنوف

[برق الشمال]

أخي.. معاند الوقت

دائماً تحضر ببريق وتذهب ببريق..

وفي كلتا الحالتين يكون البريق ساطعاً..

هاأنت تنسج درب الخيانه..

ببساطه..

ببراعه..

بكل روعه..

أحسنت اخوي الإختيار

دام لنا تواصلك بالمنتدى

[حسن السجايا]

صح لسانك اخوي

يعطيك العافيه

[معاند الوقت]

اشكركم جميعا

ونشالله اكون عند حسن ظنكم