الزاهد
08-02-2004, 12:04 AM
أهلاً بك ومرحباً في تحليل لمواصفات ولد باب النقيب
المواصفات الخَلقِيّة :
الرأس متطاول بعض الشيء - العيون غالباً ما تكون عسلية - الخشم إنسيابي - الأُذنان طبيعية الحجم
اليدين طويلة بعض الشيء - الجذامير ( دقاق ) يعني معصقلة
العراقيب مقطعهن القراح شهب لهب
الشوشه ماتحلق إلا في السنة مرتين أو يمكن مغير مرة وحده
والقمل شاب فيها
الوجه مشهب طوال اليوم - البطن دايم يقرقر من الجوع ( يعني تلاقيه دايم يلقم )
مواصفات الهندام :
الطاقية ( مزرعدة ) يعني ... مدري كيف أشرحها لكم بس لو تسألون حدا هالأولين علمكم
الشماغ تلاقيه طبقة وحدة ( أول ما يشترون الشماغ يقصونه نصّين يعطونه نص والنص الثاني يوزونه للعيد الجاي )
الثوب حالته حاله - مقنزع , يسحب في الخد كنه مكنسة , الله من كثر ماينقض ويخاط في كمومه واسفله
ولا تستغرب إذا لقيت المخبات اللي في الصدر مشقوق ويتدودل .. أو يمكن ما تلقاه خير شر
الازارير مافيه إلا واحد فاعلاه ... اللي في الاعلى دايم ينقطع ويضيع وعشان كذا صاروا ياخذون اللي تحته ويحطونه في الاعلى لين قضن ومابقى الا هو
الفنيلة تقول كنها منقّعة في ( بزار ) البزار هو اللي لونه أصفر اللي يشبه الكركم أو الظاهر أنه الكركم وأنا ما أدري
السروال نص كم ... اللي يسمونه سروال العلاوة
النعال غير ضرورية ... وإن وجدت فهي كنّها عصبة يابسة مليانه مسامير
مواصفاته الحياتية :
يقوم الفجر يرروح يصلي ... وبعد الصلاة يكون معه قرشين يروح يجيب بها خبز وفول
وبعد الفطور يروح يدّرج في هالسوابيط ويجتمع مع ربعه ويقعدون يفكرون وش يسوون
وتلاقيهم أما يروحون يسبحون في حدا هالقلبان ... أو يتمرغون في
( بطحا ) شحنة رمل
وبعد صلاة الظهر تلاقي كل واحد في بيته --- باستثناء البعض اللي يروحون يصيدون في الصادرة أو في القوعة في هالقايلة .. وهذولي تلاقي خششهم ( ودرة ) يعني مسودّة
وبعد العصر يروحون يلعبون عند باب النقيب أما كورة أو تمردغن في هاك الرمل أو يلعبون حبيش أو تلاقيهم ينطنطون في حدا هالمزارع ويلقمون أما نبق أو تمر أو أي شيء ينوكل
وبعد المغرب تلاقي كل السوابيط هجعة .. كلن في بيته مولعين هاك السريج وملتفين حوله ... وياويل اللي ينفس ويلاه ... كنهم صنم مقعّدة
يتقهوون وبعدين يلقمون عشيهم .. والاه مذن العشاء يروحون يصلون
ثمن بعدها يخمدون لفرشهم ..
ناهيك عن يوم جاء التلفزيون .. ياهمالالي بدت المشاكل في البيوت
تقول كنهم يسرقون
إذا نام الأبو تبدأ الخطط تشتغل .. وشلون نبي نشغل التلفزيون
تلاقي واحد يتصنت على الأبو لياه يقوم -- والثاني يشبك التلفزيون
والاخر يحط بطانية على التلفزيون لياه يطلع النور
المشكلات التي تواجه ولد باب النقيب :
إذا بدا صرام النخل .. تلاقي الولد تافل العافيه مغير من صبح الله وهو في النخل ... وياليتها توقف على كذا ..أنواع الهواش - شد منا , أقطع منا , شل هذا , أرفع هذا ........ إلخ
وقبل ما يبدا وقت اللقاح .. شيل في ها السماد وكب فاشراب هالنخل
ووقت الحش اللي هو الحصاد ... تعال شل , رح ود
مواقف ومشاهد حصلت لبعض سكان باب النقيب :
مره من المرات جاء رجال لبيت واحد من سكان باب النقيب , طق الباب فتح له الولد , قال الرجال وين أبوك , قال الولد مهوب فيه , قال الرجال إذا جاء قل له أن فلان يقول الوعد العشاء الليلة في المكان الفلاني
المهم الأبو يوم جاء للبيت المغرب شافه الولد تعبان شوي ماعلمه ..
يوم جاء من باسر ( يعني بكره ) قال الأبو للولد : البارح جاي فلان يدورني وقال لك أن العشاء في المكان الفلاني
قال الولد ايه , قال الأبو ورى ماقلت لي
قال الولد : شفتك تعبان وماقلت لك
قال الأبو : وأنت وش دخّلك , ثاني مرة علمني ومالك شغل
-------------------
فيه اثنين من عيال باب النقيب يمزحون مع حدا ربعهم وبسم الله انقطعت نعلته ( النعلة تليك .. وكنها عندهم ذيك السنين مثل النوعيات التركية اللي هالحين عندنا )
المهم راح ذا الولد لبيتهم وقالت امه من اللي قطع نعلتك قال الولد عيال فلان
المهم وتروح ذا الام لبيتهم بتشكيهم على امهم ...
تدرون وش اللي صار ؟؟؟
سهروا ذيك الليلة .. مغير ضحك وكركره وسواليف , ونسوا سالفت النعال
لا وناموا عندهم بعد
هذا تدرون وش يدل عليه ... يدل على أن قلوب الأولين صافيه مافيها حقد على أحد أو حسد .. إلا ما ندر
-----------------
إن كانكم تبون زود من هالقصص قولو لي
سلالالالالالالالالالالالالالالالالام
المواصفات الخَلقِيّة :
الرأس متطاول بعض الشيء - العيون غالباً ما تكون عسلية - الخشم إنسيابي - الأُذنان طبيعية الحجم
اليدين طويلة بعض الشيء - الجذامير ( دقاق ) يعني معصقلة
العراقيب مقطعهن القراح شهب لهب
الشوشه ماتحلق إلا في السنة مرتين أو يمكن مغير مرة وحده
والقمل شاب فيها
الوجه مشهب طوال اليوم - البطن دايم يقرقر من الجوع ( يعني تلاقيه دايم يلقم )
مواصفات الهندام :
الطاقية ( مزرعدة ) يعني ... مدري كيف أشرحها لكم بس لو تسألون حدا هالأولين علمكم
الشماغ تلاقيه طبقة وحدة ( أول ما يشترون الشماغ يقصونه نصّين يعطونه نص والنص الثاني يوزونه للعيد الجاي )
الثوب حالته حاله - مقنزع , يسحب في الخد كنه مكنسة , الله من كثر ماينقض ويخاط في كمومه واسفله
ولا تستغرب إذا لقيت المخبات اللي في الصدر مشقوق ويتدودل .. أو يمكن ما تلقاه خير شر
الازارير مافيه إلا واحد فاعلاه ... اللي في الاعلى دايم ينقطع ويضيع وعشان كذا صاروا ياخذون اللي تحته ويحطونه في الاعلى لين قضن ومابقى الا هو
الفنيلة تقول كنها منقّعة في ( بزار ) البزار هو اللي لونه أصفر اللي يشبه الكركم أو الظاهر أنه الكركم وأنا ما أدري
السروال نص كم ... اللي يسمونه سروال العلاوة
النعال غير ضرورية ... وإن وجدت فهي كنّها عصبة يابسة مليانه مسامير
مواصفاته الحياتية :
يقوم الفجر يرروح يصلي ... وبعد الصلاة يكون معه قرشين يروح يجيب بها خبز وفول
وبعد الفطور يروح يدّرج في هالسوابيط ويجتمع مع ربعه ويقعدون يفكرون وش يسوون
وتلاقيهم أما يروحون يسبحون في حدا هالقلبان ... أو يتمرغون في
( بطحا ) شحنة رمل
وبعد صلاة الظهر تلاقي كل واحد في بيته --- باستثناء البعض اللي يروحون يصيدون في الصادرة أو في القوعة في هالقايلة .. وهذولي تلاقي خششهم ( ودرة ) يعني مسودّة
وبعد العصر يروحون يلعبون عند باب النقيب أما كورة أو تمردغن في هاك الرمل أو يلعبون حبيش أو تلاقيهم ينطنطون في حدا هالمزارع ويلقمون أما نبق أو تمر أو أي شيء ينوكل
وبعد المغرب تلاقي كل السوابيط هجعة .. كلن في بيته مولعين هاك السريج وملتفين حوله ... وياويل اللي ينفس ويلاه ... كنهم صنم مقعّدة
يتقهوون وبعدين يلقمون عشيهم .. والاه مذن العشاء يروحون يصلون
ثمن بعدها يخمدون لفرشهم ..
ناهيك عن يوم جاء التلفزيون .. ياهمالالي بدت المشاكل في البيوت
تقول كنهم يسرقون
إذا نام الأبو تبدأ الخطط تشتغل .. وشلون نبي نشغل التلفزيون
تلاقي واحد يتصنت على الأبو لياه يقوم -- والثاني يشبك التلفزيون
والاخر يحط بطانية على التلفزيون لياه يطلع النور
المشكلات التي تواجه ولد باب النقيب :
إذا بدا صرام النخل .. تلاقي الولد تافل العافيه مغير من صبح الله وهو في النخل ... وياليتها توقف على كذا ..أنواع الهواش - شد منا , أقطع منا , شل هذا , أرفع هذا ........ إلخ
وقبل ما يبدا وقت اللقاح .. شيل في ها السماد وكب فاشراب هالنخل
ووقت الحش اللي هو الحصاد ... تعال شل , رح ود
مواقف ومشاهد حصلت لبعض سكان باب النقيب :
مره من المرات جاء رجال لبيت واحد من سكان باب النقيب , طق الباب فتح له الولد , قال الرجال وين أبوك , قال الولد مهوب فيه , قال الرجال إذا جاء قل له أن فلان يقول الوعد العشاء الليلة في المكان الفلاني
المهم الأبو يوم جاء للبيت المغرب شافه الولد تعبان شوي ماعلمه ..
يوم جاء من باسر ( يعني بكره ) قال الأبو للولد : البارح جاي فلان يدورني وقال لك أن العشاء في المكان الفلاني
قال الولد ايه , قال الأبو ورى ماقلت لي
قال الولد : شفتك تعبان وماقلت لك
قال الأبو : وأنت وش دخّلك , ثاني مرة علمني ومالك شغل
-------------------
فيه اثنين من عيال باب النقيب يمزحون مع حدا ربعهم وبسم الله انقطعت نعلته ( النعلة تليك .. وكنها عندهم ذيك السنين مثل النوعيات التركية اللي هالحين عندنا )
المهم راح ذا الولد لبيتهم وقالت امه من اللي قطع نعلتك قال الولد عيال فلان
المهم وتروح ذا الام لبيتهم بتشكيهم على امهم ...
تدرون وش اللي صار ؟؟؟
سهروا ذيك الليلة .. مغير ضحك وكركره وسواليف , ونسوا سالفت النعال
لا وناموا عندهم بعد
هذا تدرون وش يدل عليه ... يدل على أن قلوب الأولين صافيه مافيها حقد على أحد أو حسد .. إلا ما ندر
-----------------
إن كانكم تبون زود من هالقصص قولو لي
سلالالالالالالالالالالالالالالالالام