محمدالبراق
09-18-2007, 02:08 AM
السلام عليكم ورحمة الله وبركاته
الشهر عليكم مبارك.وتقبل الله منا ومنكم صالح الاعمال 0
((جزل القصيد وأروعه للشاعـر/ مـحمـد الفيحانــي. (رحمةاللة))
من عقب ما صـك الحلـق بالمجاديـب=عمـن تذخرتـه لصفـق المصـايـب
توخروا لو دونهم لـي عـوى الذيـب=فـي نـازح منـه تـروب الـروايـب
لا عاش من هو فـي حلـول المواجيـب=مـا هـوب للدانـي معيـنٍ وثـايـب
كبـه وذبـه مـن علـو المراقـيـب=لا زال به سهـم مـن الدهـر صايـب
العيب في ذا يـا حذيـرٍ مـن العيـب=يدراه مثلـك مـن يشـوف المعايـب
خطيت يوم استشعـر الثـور والبيـب=قافـات فـي ساحـة زمانـي غرايـب
اقول في عادة هـل الخبـث والطيـب=قولٍ على شرّب هـل الخبـث رايـب
فصـلٍ يفصـم موثقـات الكلاليـب=من واحدٍ فـي القيـل حاكـم ونايـب
تعنـي مـن العالـم قـورم مـذاريـب=ماهي بمـن بعـض الخمـام الخوايـب
اقول مـا لا قيـل بالفكـر واجيـب=قـول علـى معنـاه محـدٍ بجـايـب
يا حميد اصغ السمع لي كـودك تجيـب=خيـرٍ وتسمـع فـي جوابـي عجايـب
لياك لـي ثـارت عليـك الحباحيـب=فـي غـارة الدنيـا وجاتـك صبايـب
تغشاك من صـك البلايـا ضباضيـب=وهموم تفتـك مـن عزومـك قطايـب
اصبر علـى ضـرٍ بهـا والشواذيـب=داو البـلا بالصـبـر لا بالعصـايـب
واخش الشمت حيثه كما ضربة الهيـب=يمـك عيـونٍ مـا تـونـي رقـايـب
وانف الظلايـم لـي تلاقـت غرابيـب=رن البعـيـد ولا تـحـن القـرايـب
لا ترحـم الدانـي شوتـه اللواهيـب=اللـي عليـك يـدور دوم السبايـب
وانشـع لحمـران النواظـر مجاذيـب=لي جت بهـم بقعـا شبـوب الحرايـب
ثـم اسعروهـا بالنمـش والحواريـب=سوقٍ غـدت فيـه الغلايـا جلايـب
ارخص بسوم الـروح دون الرعابيـب=فـي ساحـةٍ فيهـا الحنايـا حطايـب
وايش تعتذر بـه دون دلاعـة الجيـب=لي فرعت من عقـب ستـر الحقايـب
واضحت تلوح بالكفـوف المخاضيـب=تنخـاك يـا سـور البنـات الربايـب
لا عشت في خيرٍ ولا عاش لك صيـب=ان جيت قبـل الفـوز نايـر وهايـب
وافزع قصيـرك والخـوي والمعازيـب=عديـت لـومٍ فـي شـروع العرايـب
دارت رحى جساس للحـرب وكليـب=قـدر اربعيـن وعـام كلـه عطايـب
كله على شـان البسـوس النشاشيـب=شليت ودامـت فـي سناهـا نشايـب
فاحـذر تحـل بـدار غيـر المراهيـب=قـومٍ وسيدهـم عطيـب الضرايـب
ينحون مـن دونـك نحـور التلاليـب=وتعيش فيهـم مـا تشـوف النكايـب
وامـرح ولا تمـرح بمـرح المجاريـب=صبـح ولا تصبـح ردي الصـلايـب
وإيـاك للصاحـب تديـم التعاقـيـب=بالـك لـزلاتـه تـعـد الحسـايـب
خـص الـذي لـه طيبـات المنابيـب=بالعـون مالـه غيـر طيـب النبايـب
وإياك لا تنـدم علـى فايـتٍ غيـب=لو شفـت فـي فرقـاه لـز الكرايـب
وإيـاك لا تحفـل بنـوح النحاحيـب=لي عاد مـا تنفعـك كثـر النحايـب
وإيـاك لا تهفـي زنـودك بتثلـيـب=وإياك مـن ربعـك تـدور العزايـب
وإياك تكسر مـن شـدادك مصاليـب=مايستقيـم الكـور مابـه صـلايـب
وإيـاك تكـرع بالصـري والمغاريـب=وإياك مـن زادٍ مـن المطـل صايـب
وإياك تكـرم خمـة النـاس وصليـب=واحذر تهين اهـل السخـا والوهايـب
وإياك من لقـف العجـر والمشاعيـب=وإياك تدخـل بيـن عـوج الطلايـب
وإيـاك تكثـر لعبتـك بالملاعـيـب=وإيـاك تكسـر هيبتـك باللعـايـب
وإيـاك مـن قـول يقـص العراقيـب=كم كلمـةٍ بالخيـر تذهـب سلايـب
وإياك مـن بـوّ ٍ حسـاب المدابيـب=يعميـك مـن رايـه عديـم السبايـب
وإياك لا تشره على مـن غـدا سيـب=عقلـه ولا تكثـر علـيـه العتـايـب
وإيـاك سلفـة مـن يحـدك لتصليـب=لـحٍ علـى ردود السلـف بالشوايـب
وإياك تحسب فـي كتـاب الكواذيـب=امح التسمـي بـه بتـرك الكذايـب
وإياك تفخـر لـو رقيـت المقاهيـب=خاو التواضع وانـت فـوق القتايـب
وإياك تشكي حادث الدهـر والنيـب=للنـاس حتـى مـن تراهـم قرايـب
وإيـاك منـزوع الحيـا والتلابـيـب=من لا يخاف لحـوق عرضـة سهايـب
وإيـاك للقـالات تسمـع ضراريـب=تطمـع بقلبـك للكهانـه ضـرايـب
وإياك تشرب من كفـوف الخراعيـب=خمـر وتبقـى مذهـل العقـل غايـب
وإيـاك تقضـي مدتـك بالتعـازيـب=تخفـي مخاسيـرك بـدور الرقـايـب
تلبس من المعـروف منهـم جلابيـب=ما تنفسخ شـرواة فسـخ السلايـب
خـص التعـزب جاهليـن العذاريـب=اصعب صـواب مـن تعـزب لخايـب
واحذر تحكم بهاجـس الظـن والغيـب=راقب رصـودٍ مـن شديـد العقايـب
واحذر تجي من شاطريـن القصاصيـب=في عرض من هو عنك غافـل وغايـب
واحـذر مظاليـم جباهـا تتابـيـب=من حيثهـا تدعـي القرايـا خرايـب
واحـذر تحـط بشانعـات الصلاليـب=نفسك ولا تبحـث جحـور السبايـب
واحـذر تـودي مقحمـات المكاتيـب=وتطيـح منهـا فـي حفـور الرهايـب
واحذر من اللي لك يجيـب التسابيـب=لا بـد مـا منـك يشيـل السبايـب
واحذر تهـاون مـن حقيـرٍ بتخريـب=عليـك يفتـح معضـلات الطلايـب
واحذر كلامٍ لـي سمعتـه الحساسيـب=تنـدم وعـن كتبـه تـدور المنايـب
واحذر يغـرك مـن عـدوك تلابيـب=لو حط في المجلـس لدوسـك لبايـب
هيهـات يصفـي خاطـره للتحابيـب=إلا ان يجـي للثـور حكـم الطبايـب
وأوصيـك لا تنقـل حمـول متاعيـب=تبرك متى مـا ذقـت مـس التعايـب
وأوصيك لا تمضي على الشك والريـب=تنـدم ولا تـدري لفـك الرهـايـب
وأوصيـك لا تدفـق ملـي المزاهيـب=عند الضحى غـرك لويـح السرايـب
وأوصيك لا تظهر على السـر وتخيـب=وتسيـر للعالـم بـسـرك نـدايـب
وأوصيـك لا تاخـذ فتـاة ولا ثيـب=ما هي بمن نسـل الفحـول الضرايـب
وأوصيك جود وتخضع النـاس تغليـب=من جاد ساد وشـب فـوق الشبايـب
وابخـل وتاتيـك الذمايـم مزاهـيـب=توطا عريـن اللـوم وطـي الزرايـب
وأوصيك بالفرصـة نفـوذ المخاليـب=وخضـع وللحاجـات سـو الخلايـب
واخفض جناح مساعـف للمناصيـب=وخلد متـى مـا ساعفتـك القضايـب
لا تنقش الشوكـات بالشـوك تنقيـب=لا تستعيـن الضـد للضـد جـايـب
وأوصيك لا تعمـل بجوفـك نحاحيـب=عند العسر وتضيـق منـك الرحايـب
راقب متى اليسريـن والدهـر تقليـب=دولات وايــام الليـالـي قـلايـب
تاتـي بـدوراتٍ لـهـا بالدوالـيـب=وللدهـر دولاب بالاحكـام لايــب
من شفت دامت له وجاتـه سلاسيـب=دومٍ ودامـت لـه ليـالـه عـذايـب
وأوصيك مـن دار المحـول المجاديـب=عرّض وتلقـى فـي النحايـا خصايـب
يا ما مـن الريضـان تبقـى معاشيـب=ويا ما مـن الهـزلان تبقـى جدايـب
فاشتال مـن دار الهضـم والتعاذيـب=حتيـش لـو تبلـي بفرقـا الحبايـب
ما الدار تنسب لـك بعـد التناسيـب=ولا غذتـك الــدار در الحـلايـب
تلقى بـدال الـدار ديـران وتصيـب=حاشا ولا انت بغير ذا الـروح صايـب
واقطع من الخـلان ومـن الاصاحيـب=ليما مشـوا تمشـاك كـل السبايـب
جاز الغني بالصـد والوصـل تقريـب=من نازحيـن الـدار ومـن العصايـب
ما كل مـن تذخـر لحاجاتـك يثيـب=لي لولحـت بالحـال سمـت الحقايـب
وارتع بـروض العلـم وارع التآديـب=حتـى تنـال العالـيـات الرتـايـب
واصمت ولا تكثر هـروج التجاويـب=ايـاك تـاتـي بالحكـايـا هـذايـب
إعسف هوى نفسك عساف المصاعيـب=وإياك مـن فعلـة تشـوف الصعايـب
اختـر معـزة يـوم عـن ذل تعقيـب=وسنيـن فيـهـا بالمـذلـة هـزايـب
سير الصباح ان خفت جد السباسيـب=عند الضحى يحمـد مسيـر السرايـب
للطيـب لا تسـوي بغيـر الطلاليـب=حـذر اللئـام تنـال منـك شخايـب
اياك لـو تلقـى العواسـج مراحيـب=زرع السبخ مـا ينسقـي بالسحايـب
اعرف بمـا سويـت تلقـى تقاريـب=كـل يجـازي بفعلـتـه والوهـايـب
شـاور ورد الشـور بالشـور تهذيـب=تلقـى ببعـض النـاس رد الطلايـب
اركب على ما شفت درب التجاريـب=وافكـر بكيـف طلوعهـا والمغايـب
ان كان ما فهمك مـن الطبـع تلبيـب=ما تنفعك الافهام لـو جـت سرايـب
وان كان ما نصحك من النفس تلبيـب=مـا ينفعـك نصـحٍ تجيبـه سوايـب
وان كان من وعظ الدهر ما شفت تعريب=ما ينفعـك وعـظ العجـم والعرايـب
وان كان مـا دورت بالجـد تكسيـب=ما ينفعك مـا عنـد ربعـك كسايـب
والحظ اسعـد مـا يجـي بالتناصيـب=ما اهبلك يا راجي البخـت بالغصايـب
وإلا العمر لـو طـال فيهـا بتطريـب=لا بد مـا يكسـر كسـار القصايـب
والمـوت مـا ينـذاد لـك بالتقاليـب=كـلا ولا دارت علـيـه الغـلايـب
ان جاك ما جـاك افزعـوا للطلاليـب=طلاب مـا ينجيـك منهـا الهرايـب
أخيـر انـك ثـاويٍ فـي سـراديـب=محطوط لك من فـوق قبـرك نصايـب
غفر الله للشاعر ولاموات المسلمين
ولكم تحياتي
الشهر عليكم مبارك.وتقبل الله منا ومنكم صالح الاعمال 0
((جزل القصيد وأروعه للشاعـر/ مـحمـد الفيحانــي. (رحمةاللة))
من عقب ما صـك الحلـق بالمجاديـب=عمـن تذخرتـه لصفـق المصـايـب
توخروا لو دونهم لـي عـوى الذيـب=فـي نـازح منـه تـروب الـروايـب
لا عاش من هو فـي حلـول المواجيـب=مـا هـوب للدانـي معيـنٍ وثـايـب
كبـه وذبـه مـن علـو المراقـيـب=لا زال به سهـم مـن الدهـر صايـب
العيب في ذا يـا حذيـرٍ مـن العيـب=يدراه مثلـك مـن يشـوف المعايـب
خطيت يوم استشعـر الثـور والبيـب=قافـات فـي ساحـة زمانـي غرايـب
اقول في عادة هـل الخبـث والطيـب=قولٍ على شرّب هـل الخبـث رايـب
فصـلٍ يفصـم موثقـات الكلاليـب=من واحدٍ فـي القيـل حاكـم ونايـب
تعنـي مـن العالـم قـورم مـذاريـب=ماهي بمـن بعـض الخمـام الخوايـب
اقول مـا لا قيـل بالفكـر واجيـب=قـول علـى معنـاه محـدٍ بجـايـب
يا حميد اصغ السمع لي كـودك تجيـب=خيـرٍ وتسمـع فـي جوابـي عجايـب
لياك لـي ثـارت عليـك الحباحيـب=فـي غـارة الدنيـا وجاتـك صبايـب
تغشاك من صـك البلايـا ضباضيـب=وهموم تفتـك مـن عزومـك قطايـب
اصبر علـى ضـرٍ بهـا والشواذيـب=داو البـلا بالصـبـر لا بالعصـايـب
واخش الشمت حيثه كما ضربة الهيـب=يمـك عيـونٍ مـا تـونـي رقـايـب
وانف الظلايـم لـي تلاقـت غرابيـب=رن البعـيـد ولا تـحـن القـرايـب
لا ترحـم الدانـي شوتـه اللواهيـب=اللـي عليـك يـدور دوم السبايـب
وانشـع لحمـران النواظـر مجاذيـب=لي جت بهـم بقعـا شبـوب الحرايـب
ثـم اسعروهـا بالنمـش والحواريـب=سوقٍ غـدت فيـه الغلايـا جلايـب
ارخص بسوم الـروح دون الرعابيـب=فـي ساحـةٍ فيهـا الحنايـا حطايـب
وايش تعتذر بـه دون دلاعـة الجيـب=لي فرعت من عقـب ستـر الحقايـب
واضحت تلوح بالكفـوف المخاضيـب=تنخـاك يـا سـور البنـات الربايـب
لا عشت في خيرٍ ولا عاش لك صيـب=ان جيت قبـل الفـوز نايـر وهايـب
وافزع قصيـرك والخـوي والمعازيـب=عديـت لـومٍ فـي شـروع العرايـب
دارت رحى جساس للحـرب وكليـب=قـدر اربعيـن وعـام كلـه عطايـب
كله على شـان البسـوس النشاشيـب=شليت ودامـت فـي سناهـا نشايـب
فاحـذر تحـل بـدار غيـر المراهيـب=قـومٍ وسيدهـم عطيـب الضرايـب
ينحون مـن دونـك نحـور التلاليـب=وتعيش فيهـم مـا تشـوف النكايـب
وامـرح ولا تمـرح بمـرح المجاريـب=صبـح ولا تصبـح ردي الصـلايـب
وإيـاك للصاحـب تديـم التعاقـيـب=بالـك لـزلاتـه تـعـد الحسـايـب
خـص الـذي لـه طيبـات المنابيـب=بالعـون مالـه غيـر طيـب النبايـب
وإياك لا تنـدم علـى فايـتٍ غيـب=لو شفـت فـي فرقـاه لـز الكرايـب
وإيـاك لا تحفـل بنـوح النحاحيـب=لي عاد مـا تنفعـك كثـر النحايـب
وإيـاك لا تهفـي زنـودك بتثلـيـب=وإياك مـن ربعـك تـدور العزايـب
وإياك تكسر مـن شـدادك مصاليـب=مايستقيـم الكـور مابـه صـلايـب
وإيـاك تكـرع بالصـري والمغاريـب=وإياك مـن زادٍ مـن المطـل صايـب
وإياك تكـرم خمـة النـاس وصليـب=واحذر تهين اهـل السخـا والوهايـب
وإياك من لقـف العجـر والمشاعيـب=وإياك تدخـل بيـن عـوج الطلايـب
وإيـاك تكثـر لعبتـك بالملاعـيـب=وإيـاك تكسـر هيبتـك باللعـايـب
وإيـاك مـن قـول يقـص العراقيـب=كم كلمـةٍ بالخيـر تذهـب سلايـب
وإياك مـن بـوّ ٍ حسـاب المدابيـب=يعميـك مـن رايـه عديـم السبايـب
وإياك لا تشره على مـن غـدا سيـب=عقلـه ولا تكثـر علـيـه العتـايـب
وإيـاك سلفـة مـن يحـدك لتصليـب=لـحٍ علـى ردود السلـف بالشوايـب
وإياك تحسب فـي كتـاب الكواذيـب=امح التسمـي بـه بتـرك الكذايـب
وإياك تفخـر لـو رقيـت المقاهيـب=خاو التواضع وانـت فـوق القتايـب
وإياك تشكي حادث الدهـر والنيـب=للنـاس حتـى مـن تراهـم قرايـب
وإيـاك منـزوع الحيـا والتلابـيـب=من لا يخاف لحـوق عرضـة سهايـب
وإيـاك للقـالات تسمـع ضراريـب=تطمـع بقلبـك للكهانـه ضـرايـب
وإياك تشرب من كفـوف الخراعيـب=خمـر وتبقـى مذهـل العقـل غايـب
وإيـاك تقضـي مدتـك بالتعـازيـب=تخفـي مخاسيـرك بـدور الرقـايـب
تلبس من المعـروف منهـم جلابيـب=ما تنفسخ شـرواة فسـخ السلايـب
خـص التعـزب جاهليـن العذاريـب=اصعب صـواب مـن تعـزب لخايـب
واحذر تحكم بهاجـس الظـن والغيـب=راقب رصـودٍ مـن شديـد العقايـب
واحذر تجي من شاطريـن القصاصيـب=في عرض من هو عنك غافـل وغايـب
واحـذر مظاليـم جباهـا تتابـيـب=من حيثهـا تدعـي القرايـا خرايـب
واحـذر تحـط بشانعـات الصلاليـب=نفسك ولا تبحـث جحـور السبايـب
واحـذر تـودي مقحمـات المكاتيـب=وتطيـح منهـا فـي حفـور الرهايـب
واحذر من اللي لك يجيـب التسابيـب=لا بـد مـا منـك يشيـل السبايـب
واحذر تهـاون مـن حقيـرٍ بتخريـب=عليـك يفتـح معضـلات الطلايـب
واحذر كلامٍ لـي سمعتـه الحساسيـب=تنـدم وعـن كتبـه تـدور المنايـب
واحذر يغـرك مـن عـدوك تلابيـب=لو حط في المجلـس لدوسـك لبايـب
هيهـات يصفـي خاطـره للتحابيـب=إلا ان يجـي للثـور حكـم الطبايـب
وأوصيـك لا تنقـل حمـول متاعيـب=تبرك متى مـا ذقـت مـس التعايـب
وأوصيك لا تمضي على الشك والريـب=تنـدم ولا تـدري لفـك الرهـايـب
وأوصيـك لا تدفـق ملـي المزاهيـب=عند الضحى غـرك لويـح السرايـب
وأوصيك لا تظهر على السـر وتخيـب=وتسيـر للعالـم بـسـرك نـدايـب
وأوصيـك لا تاخـذ فتـاة ولا ثيـب=ما هي بمن نسـل الفحـول الضرايـب
وأوصيك جود وتخضع النـاس تغليـب=من جاد ساد وشـب فـوق الشبايـب
وابخـل وتاتيـك الذمايـم مزاهـيـب=توطا عريـن اللـوم وطـي الزرايـب
وأوصيك بالفرصـة نفـوذ المخاليـب=وخضـع وللحاجـات سـو الخلايـب
واخفض جناح مساعـف للمناصيـب=وخلد متـى مـا ساعفتـك القضايـب
لا تنقش الشوكـات بالشـوك تنقيـب=لا تستعيـن الضـد للضـد جـايـب
وأوصيك لا تعمـل بجوفـك نحاحيـب=عند العسر وتضيـق منـك الرحايـب
راقب متى اليسريـن والدهـر تقليـب=دولات وايــام الليـالـي قـلايـب
تاتـي بـدوراتٍ لـهـا بالدوالـيـب=وللدهـر دولاب بالاحكـام لايــب
من شفت دامت له وجاتـه سلاسيـب=دومٍ ودامـت لـه ليـالـه عـذايـب
وأوصيك مـن دار المحـول المجاديـب=عرّض وتلقـى فـي النحايـا خصايـب
يا ما مـن الريضـان تبقـى معاشيـب=ويا ما مـن الهـزلان تبقـى جدايـب
فاشتال مـن دار الهضـم والتعاذيـب=حتيـش لـو تبلـي بفرقـا الحبايـب
ما الدار تنسب لـك بعـد التناسيـب=ولا غذتـك الــدار در الحـلايـب
تلقى بـدال الـدار ديـران وتصيـب=حاشا ولا انت بغير ذا الـروح صايـب
واقطع من الخـلان ومـن الاصاحيـب=ليما مشـوا تمشـاك كـل السبايـب
جاز الغني بالصـد والوصـل تقريـب=من نازحيـن الـدار ومـن العصايـب
ما كل مـن تذخـر لحاجاتـك يثيـب=لي لولحـت بالحـال سمـت الحقايـب
وارتع بـروض العلـم وارع التآديـب=حتـى تنـال العالـيـات الرتـايـب
واصمت ولا تكثر هـروج التجاويـب=ايـاك تـاتـي بالحكـايـا هـذايـب
إعسف هوى نفسك عساف المصاعيـب=وإياك مـن فعلـة تشـوف الصعايـب
اختـر معـزة يـوم عـن ذل تعقيـب=وسنيـن فيـهـا بالمـذلـة هـزايـب
سير الصباح ان خفت جد السباسيـب=عند الضحى يحمـد مسيـر السرايـب
للطيـب لا تسـوي بغيـر الطلاليـب=حـذر اللئـام تنـال منـك شخايـب
اياك لـو تلقـى العواسـج مراحيـب=زرع السبخ مـا ينسقـي بالسحايـب
اعرف بمـا سويـت تلقـى تقاريـب=كـل يجـازي بفعلـتـه والوهـايـب
شـاور ورد الشـور بالشـور تهذيـب=تلقـى ببعـض النـاس رد الطلايـب
اركب على ما شفت درب التجاريـب=وافكـر بكيـف طلوعهـا والمغايـب
ان كان ما فهمك مـن الطبـع تلبيـب=ما تنفعك الافهام لـو جـت سرايـب
وان كان ما نصحك من النفس تلبيـب=مـا ينفعـك نصـحٍ تجيبـه سوايـب
وان كان من وعظ الدهر ما شفت تعريب=ما ينفعـك وعـظ العجـم والعرايـب
وان كان مـا دورت بالجـد تكسيـب=ما ينفعك مـا عنـد ربعـك كسايـب
والحظ اسعـد مـا يجـي بالتناصيـب=ما اهبلك يا راجي البخـت بالغصايـب
وإلا العمر لـو طـال فيهـا بتطريـب=لا بد مـا يكسـر كسـار القصايـب
والمـوت مـا ينـذاد لـك بالتقاليـب=كـلا ولا دارت علـيـه الغـلايـب
ان جاك ما جـاك افزعـوا للطلاليـب=طلاب مـا ينجيـك منهـا الهرايـب
أخيـر انـك ثـاويٍ فـي سـراديـب=محطوط لك من فـوق قبـرك نصايـب
غفر الله للشاعر ولاموات المسلمين
ولكم تحياتي