اخترت لكم قصيدة ابوي للشاعر عايد المسيلم

[حس شاعر]

اخترت لكم قصيدة ابوي للشاعر عايد المسيلم واتمنى ان تحوز على رضاكم
http://www.geocities.com/ayed_ms/ayed.jpg

في ليل موته جيت انا بيوم ميلاد

طفل يتيم والبكى في عيونه

صدر عن الدنيا وانا جيت وراد

لاشك نجمه لامع وسط كونه

كني انا والحزن في وقت ميعاد

فقدت فيها غالي يذكرونه

لو يسألوني يوم انا كنت بمهاد

افز بسمه كل ماينطقونه

ياقبر وش ضميت من ذيك الاجساد

الله ياضمت ابوي الحنونه

محتاج له وادري انا عنه ببعاد

النفس بعده بالحياة مغبونه

ادوره باعايده في يوم الاعياد

لاكن تذكرت البشر يدفنونه

كان الألم في داخل الصدر يزداد

وقلبي على الوالد تصافق شجونه

اعاني الحرمان في صبر وجهاد

وانا أحمد الله والملا يشكرونه

اعاند الدنيا وانا بيتم بعناد

نفس العزيز اللي يدوس المهونه

كثر البكا بفقد العزيزين مافاد

ودمعي على خدي تسايل مزونه

ابوي ملفى للأكاريم الاجواد

الطيب ساسه كلهم يمدحونه

بالطيب ماخذها على روس الاشهاد

حر ولد حر طوال ردونه

عساه بالجنه على انهار ووراد

مقره الفردوس والله يصونه


الشاعر عايد المسيلم

[حسن السجايا]

ابوي ملفى للأكاريم الاجواد

الطيب ساسه كلهم يمدحونه

بالطيب ماخذها على روس الاشهاد

حر ولد حر طوال ردونه

عساه بالجنه على انهار ووراد

مقره الفردوس والله يصونه

=========

صح لسانه وصح لسانك..

والله ماقصرت ياخوي

مشاركه راائعه وجيده

ان شاء الله نشوف جديدك ..